“Rrethrrotullimi” u kodua një operacion antidrogë i policisë së Lezhës, i cili zbuloi 68 kilogramë kanabis sativa.
Si rezultat i këtij operacioni u bë arrestimi i Z. B., 61 vjeç, banues në Shkodër.
Shërbimet e Policisë Rrugore, në rrethrrotullimin në hyrje të qytetit Lezhë, i kanë bërë shenjë ndalimi drejtuesit të mjetit, me të cilin dyshohej se transportohej lëndë narkotike.
Drejtuesi i mjetit nuk i është bindur urdhrit të punonjësit të policisë për të ndaluar dhe është larguar me shpejtësi në drejtim të rrugës së Shëngjinit duke rrezikuar jetën e punonjësve të policisë, që ishin vendosur në pikë kontrolli për të ndaluar mjetin.
Efektivët janë vënë në ndjekje të këtij mjeti, në pronësi të shtetasit Z. B., i cili është konstatuar dhe bllokuar në një rrugicë, në Ishull, Shëngjin.
Gjatë kontrollit në mjet, u gjetën dhe u sekuestruan 68 kg lëndë narkotike kanabis sativa.
I dyshuari u arrestua nën akuzën e veprës penale “Prodhimi dhe shitja e narkotikëve”.
g.koosvari
