Një shqiptar dyshohet se ka mbetur i vdekur në përfundim të një grabitjeje në Itali.
Ngjarja ka ndodhur në orën 04:00 të mëngjesit të sotëm, ku ndërhyu edhe policia.
Një bandë grabitësish vodhën një dyqan duhani në rrugën “Cairoli” në Ponte Felcino. Pasi kryen vjedhjen, ata u larguan me një makinë tip “Audi”, dhe u vinë në ndjekje nga policia.
Gjatë ndjekjes, roja e objektit mbeti i dëmtuar nga makina e autorëve. Pak momente më vonë, karabinierët u futën në aksion për arrestimin e tyre.
Në këtë aksion pati të shtëna me armë, ku një nga grabitësit mbeti i vdekur.
Viktima u gjet në pjesën e pasme të një “Audi A4” të braktisur në rrugicat e një fshati jo shumë larg dyqanit të duhanit ku ndodhi vjedhja.
Viktima, dyshohet se është me origjinë shqiptare, sipas një dokumenti të gjetur, ndërsa hetuesit nuk janë ende të sigurt për kombësinë e tij. /a.m.
