Pas skandalit të zbuluar te spitali i Onkologjikut, ku mjekët nuk u ofronin shërbim të sëmurëve me tumor por i dërgonin në spital privat, ministrja Koçiu njofton se të gjithë personat e përfshirë në këtë skemë janë shkarkuar.
Ministrja tha në një prononcim për mediat se kjo duhet të marrë fund dhe se ata mjekë të përfshirë nuk e meritojnë ta mbajnë më bluzën e bardhë të veshur.
“Të gjithë personat e përfshirë në atë dosje janë të shkarkuar. Nuk mund të mbajnë më atë bluzë. Të gjithë personat e përfshirë në këtë dosje nuk mund të jenë më pjesë e jona, si nga ana penale, si administrative, si morale. Kjo histori duhet të marrë fund. Ndjej neveri për situatën e ndodhur në spitalin Onkologjik. Këta individë nuk mund të damkosin bluzat e bardha”, tha Koçiu./m.j
