Arrestohen nga policia italiane 2 shqiptarë. O.D 21 vjeç dhe A.B 22 vjeç kanë udhëtuar në autostradë me shpejtësi marramendëse deri në 200 km në orë.
Të rinjtë udhëtonin me një Alfa 156, ndërsa së bashku me të ishte dhe një i tretë. Në momentin që shqiptarët janë përballur me pikën e kontrollit në vend që të ngadalësonin shpejtësinë ata janë larguar.
Në rrugë ka filluar një ndjekje e çmendur deri në 200 km/orë në orë në një rrugë 25 km. Manovra të rrezikshme dhe parakalime të shpejta janë parë në autostradën italiane, deri sa policia ka arritur të arrestojë shqiptarët.
Ndërsa për të shmangur problemet apo aksidentet që mund të përfshinin makinat e tjera policia ka mbyllur autostradën 36 për aq kohë sa zgjati ndjekja.
Dyshja fillimisht është dënuar me dy vite burg por për momentin janë të lirë pasi dënimi është pezulluar.
Shqiptarja/d.i.
