Një person i pastrehë në Los Angeles, Matthew Hay-Chapman, ndihmoi policinë të kapte tre të arratisur nga burgu dhe si shpërblim mori 100 mijë dollarë.
Si çdo ditë, Chapman po shkonte të merrte një kafe te McDonald’s pranë parkut ku ai fle, kur vuri re diçka jo të zakonshme. Një furgon i bardhë, brenda të cilit flinin tre persona.
Pikërisht në atë moment njëri prej tyre doli nga mjeti dhe Chapman pa se ishte ishte një nga tre të burgosurit e arratisur pak ditë më parë nga burgu i sigurisë së lartë në Orange County. Chapman e njohu falë fotove të botuara në gazeta që i mblidhte nga koshat e plehrave të zonës.
Lajmëroi menjëherë policinë, e cila arriti t’i arrestonte të tre: Hossein Nayeri, Jonathan Tieu dhe Bac Tien Duong.
Autoritetet lokale vendosën ta shpërblenin me një shumë parash.
“Këto ditë do të nis një jetë të re”, tha Chapman për gazetarët. “Do të ndihmoj edhe fëmijët, edhe ata janë përballur me shumë vështirësi”.
