Komisioneri evropian i Çështjeve Ekonomike, Pierre Moscovici, insistoi sot mbi vendimet e rënda që duhen marrë deri në fund të vitit nga Greqia për të përfituar nga ndihma e kreditorëve.
“Do të ketë sfida, do të ketë vendime të rënda për t’u marrë deri në fund të vitit”, deklaroi Moscovici, që do të jetë për vizitë të martën dhe të mërkurën në Athinë.
“Kjo nuk do të thotë se është e lehtë, ka çështje të ndërlikuara, ka sfida, por konstatoj një vullnet për të punuar së bashku”, shtoi ai.
Greqia, në vështirësi ekonomike, është duke pritur dy miliardë euro nga ndihma e re me një total prej 86 milionë euro, që do të jepet në tre vite, në këmbim të aplikimit të reformave strukturore dhe të konsolidimit buxhetor.
ATSH
