Miratohet mbrojtja për prokurorin e dosjes së Çapjave. Sipas informacioneve, prokurori Ridvan Sukaj është marrë në mbrojtje, pas kërkesës së tij ku deklaroi se ndihej i kërcënuar.
Sukaj ishte personi që “preu” fletë-arrestin për Ardian Çapjan dhe nipin e tij, Florenc Çapjan, i cili është shpallur në kërkim, pasi nuk u gjet në banesë në momentin që u krye operacioni “Krasta 1”.
Për shkak të rrezikshmërisë së lartë që fisi Çapja konsiderohet të ketë në Elbasan, prokurorit i është siguruar mbrojtje.
Prokurori i çështjes iu drejtua Këshillit të Lartë të Prokurorisë me një kërkesë për mbrojtje fizike, duke pretenduar se ndihet i kërcënuar për jetën e tij dhe të familje, ndërsa është duke e shqyrtua kërkesën e tij.
Çapja u vu në pranga dy ditë në parë në kuadër të operacionit “Krasta 1” pasi akuzohet se ka marrë pjesë në ekzekutimin e Gentian dhe Nezir Beqirit (babë e bir), ngjarje e ndodhur në vitin 2012. E njëjta akuzë rëndon edhe mbi nipin e tij. Gjatë prangosjes së tij, në banesë RENEA-t kanë gjetur dhe sekuestruar edhe një kallashnikov, pesë radio dhe uniforma policie. Nipi Ii tij mësohet se ai është larguar nga vendi nëpërmjet aeroportit të Rinasit më 16 mars.
g.kosovari
