Një 60-vjeçar është proceduar penalisht në Bulqizë, pasi ndezi zjarr në fshatin ku banonte dhe si pasojë u dogj një sipërfaqe e madhe me bimësi.
Si rezultat i hetimeve dhe veprimeve operacionale, të kryera me qëllim identifikimin dhe nxjerrjen përpara përgjegjësisë penale, të autorëve të zjarrvënieve të qëllimshme apo nga pakujdesia, shërbimet e Komisariatit të Policisë Bulqizë, identifikuan dhe proceduan penalisht shtetasin S.S., 60 vjeç, banues në fshatin Erebarë, Dibër.
60-vjeçari dyshohet se ka ndezur zjarr për të pastruar një sipërfaqe kullosore e si pasojë e përhapjes së flakëve, është djegur një sipërfaqe e madhe me bimësi.
Po nga këto shërbime u referuan materialet në Prokurori dhe vijon puna për kapjen e shtetasve
E.L., 30 vjeç; Xh.L., 26 vjeç; A.N., 19 vjeç; banues në Bulqizë, pasi në lagjen “Minatori”, janë konfliktuar fizikisht dhe kanë goditur me grushte shtetasin K.F., dhe më pas i kanë dëmtuar dhe automjetin.
Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Dibër, për veprime të mëtejshme.
Ndërsa një 34 vjeçar është proceduar penalisht pasi dyshohet se ndezi zjarr në pyllin e fshatit Çërrilë, Mallakastër
Pas njoftimit të ardhur në sallën e komandimit në Komisariatin e Policisë Mallakastër se në pyllin e fshatit Çërrilë, ka rënë zjarr, menjëherë shërbimet e Policisë dhe zjarrfikëses kanë shkuar në vend ngjarje ku kanë konstatuar një sipërfaqe toke duke u djegur.
Si pasojë e erës zjarri është përhapur në pyllin e fshatit Çërrilë, duke djegur pemë dhe ullishte dhe ndërhyrja e forcave të Policisë dhe zjarrfikëses vijon punën për shuarjen e vatrave të zjarrit.
Nga veprimet hetimore shërbimet e Komisariatit të Policisë Mallakastër, nën drejtimin e Prokurorisë, kanë shoqëruar dhe proceduar penalisht shtetasin S. L., 34 vjeç, banues në fshatin Selitë, Mallakastër pasi dyshohet të jetë autori i vënies së zjarrit.
Po punohet për shuarjen e vatrave të mbetura të zjarrit.
Materialet procedurale i kaluan Prokurorisë për veprime të mëtejshme.
/a.r
