Shqipëria luan sonte në Turqi për të mbajtur gjallë shpresën e kualifikimit për në “EURO 2020”.
Çdo rezultat tjetër përveç fitores për kuqezinjtë nuk vlen. Aktualisht Turqia ka 15 pikë dhe kryeson grupin së bashku me Francën me pikë të barabarta, ndërsa Islanda ka 12 pikë, më pas vjen Shqipëria me 9 pikë.
Prandaj kuqezinjtë “tentojnë” hakmarrjen për humbjen në ndeshjen e parë në Shkodër, por edhe për të qëndruar në lojë deri në fund për kualifikimin.
