Didier Deschamp deklaroi në konferencën për shtyp që pret fitoren e skuadrës së tij në përurimin e stadiumit të ri “Air Albania”, por pa harruar të vlerësojë Shqipërinë.
Mungesa e Coman: Coman nuk është i disponueshëm, kështu që morëm vendim që ai të jetë i gatshëm për klubin e tij, Bayernin e Mynihut.
Shqiptarët, dashuri për futbollin: Do të thosha që nesër do të jetë një ndeshje e fortë, pasi do të luajnë në fushën e tyre, në inaugurimin e stadiumit. Shqiptarët do të manifestojnë dashurinë e tyre për futbollin.
Cilësia e kuqezinjve: Mund të përzgjedh vetëm lojtarë francezë për kombëtaren time, jo shqiptarë. Do thosha që ju keni lojtarë të një cilësie të mirë, duhet ta pohoj këtë. Duhet t’i referohem dhe humbjes që pësuam në Elbasan, 1-0. Keni lojtarë të nivelit ndërkombëtar.
Vlera e vendit të parë: Nuk mund të them, që mund të kemi një grup të lehtë apo më pak të vështirë nëse marrim vendin e parë. Ne duhet të marrim vendim e parë, pastaj shorti është short. Duhet të punojmë që të mundim ekipet e tjera.
Ndryshimet në formacion: Duhet të them se të gjithë lojtarët kanë dëshirë të luajnë nesër. Koha e shkurtër lë pak kohë për të reflektuar. Realiteti është që me Moldavinë nuk ishim mirë në pjesën e parë, por në pjesën e dytë luajtëm më mirë. Objektivi u arrit dhe në arritëm fitoren, atë që kërkohej. Mund të them që edhe lojtarët elitarë gabojnë, por nuk është ky rasti.
Rezultati dhe loja bindëse: Jam i bindur që nesër do të kemi përballë një ekip të motivuar. Ndeshjet me Moldavinë dhe Turqinë janë harruar, i përkasin së shkuarës. Unë besoj se ekipi im do të bëjë një performancë të mirë ndaj Shqipërisë së motivuar.
Kylian Mbappe: Është një lojtar klasi, që bën diferencën, por duhet thënë se Kyliani është pjesë e një grupi. Unë kam diskutuar me të edhe kur ai merr nismat individuale, por varet dhe nga lojtarët që ai ka në krah në ato momente. Duhet thënë se është një lojtar që bën diferencën.
Shqipëria: Unë pres që ekipi im të marrë një rezultat pozitiv. Ndeshjen e Shqipërisë me Andorrën e kam parë, pasi duhet të përshtatej skema për sfidën e ardhshme.
