Itali-Greqi ishte finalja e turneut të bamirësisë të organizuar nga Sindikata e Futbollistëve Shqiptarë, ku të gjitha të ardhurat e grumbulluara do të shkojnë për familjet e prekura nga tërmeti i muajit nëntor, që shkaktoi 51 viktima.
Në takimin e fundit, të kaltërtit kanë thyer Greqinë falë një autogoli të ardhur pas harkimit të Zakardos.
Interesant ishte fakti se këtë sfidë e gjykoi një treshe femrash, me kryesore Emanuela Rustën.
Kështu, Italia e drejtuar nga Xhani de Biazi çon në shtëpi kupën, ndërsa të gjithë pjesëmarrësit reskeptin e shqiptarëve.
Në sfidën e parë italianët eliminuan Shqipërinë në përballjen e parë. Koha e rregullt prej 35 minuta përfundoi në barazim 1-1, falë golave të Espozitos dhe Bogdanit, ndërkohë që Italia u tregua më e saktë nga pika e bardhë e penalltisë, duke shkuar në finale. Në përballjen e dytë, Greqia mposhti Turqinë, me rezultatin 1-0, falë golit të realizuar nga kapiteni Karagunis me 11-metërsh. /e.s/
