Reforma administrative ka ofruar shërbime me kosto më të ulëta është shprehur kryebashkiaku i Tiranës, Erjon Veliaj.
Veliaj tha se pushteti qendror duhet të përgatitet për të papriturta e natyrës por edhe të problemeve të sigurisë që përballet bota sot.
Ndërsa lidhur me pallatet në Selitë të Vogël, Veliaj tha se zgjidhja është vendosja e pilotave. “Natyra po na kthen reston, nga mënyra se si bashkitë kanë funksionuar më përpara. Për lejet që u dhanë në Farkë, mbi shtufë, lejet jepeshin për shesh për 3 kate, bëhen gropa për 7 kate dhe po merr dhe pallate te tjera. Zgjidhje në Farkë duke vendosur pilota. Nëse bëni auditin me kujdes do të gjeni pa fund gjëma të tilla në një kohë që qytetet po bëhen më të pasigurta”, tha Veliaj.
Kreu i bashkisë së Tiranës tha se procesi i decentralizimit është mjaft i nevojshëm në disa sektorë, siç është ai për menaxhimin e ndotjes së qytetit, apo të liqeneve dhe rezervuarve etj.
Ndryshe nga vitet e tjera, festimet e natës së vitit të ri nuk do të përqëndrohen tek sheshi “Skënderbej”, por tek “Nënë Tereza”. Kreu i bashkisë Erjon Veliaj, bëri të ditur edhe programin e festimeve të bashkisë.
Për herë të parë tha Veliaj do të ketë zbukurime në të gjithë qytetin, dhe jo vetëm në bulevardin “Dëshmorët e Kombit”.
“Adoptimi i një rruge dhe për herë të parë përtej bulevardit të kemi zbukurime në të gjithë qytetin. I kam kërkuar dhe administratorëve që të bëjnë diçka për lagjet e tyre, për ish komunat, ndërkohë që epiqendra e festimeve do të jetë në sheshin “Nënë Tereza”. Deri në 6 dhjetor ai do të transfrmohet në një fshat krishtlindjesh. Këtë muaj bashkia do i dedikohet totalisht fëmijëve, do të kemi produkte vendase për të promovuar, tregje provizore. Vitin e ri do e presim në sheshin “Nënë Tereza”, tha Veliaj.
Kreu i bashkisë premtoi se nuk do të ketë rritje abuzive çmimesh për festat e fundivitit, ndërsa do të ndalohet shitja e gjësë së gjallë vend e pa vend. Tregu i gjësë së gjallë bëri të ditur kryebashkiaku i Tiranës do të jetë në Vishnjë, në Baldushk, psai është zonë që njihet për rritjen e gjelave të detit.
“Do të jetë një treg në Kombinat ku të shesim produktet bio, të gjithë ata që vijnë nga zona e Pezës, Ndroqit dhe Vaqarrit, dhe një treg pranë zonës së Kinostudios. Kemi menduar për gjithçka. Për zbukurimin e qytetit dhe për mënyrën se si periudha e festave do të monitorohet për çështjen e cilësisë dhe çmimit”, tha Veliaj.
