Ka ndërruar jetë në spital 31-vjeçari Xhaferr Mata, personi që tronditi vendin pasi vrau me armë 19-vjeçaren Xhuljeta Çuni e më pas qëlloi veten.
Me githë ndihmën mjekësore, ai nuk ka mundur dot të mbijetojë nga plaga që i shkaktoi vetes me armë zjarri në kokë.
I riu ka ndërruar jetë afro 1 orë e 30 minuta pasi vrau 19-vjeçaren e më pas plagosi veten.
Ngjarja:
Një ngjarje e rëndë ka ndodhur në Tiranë paraditen e kësaj të premteje.
Një vajzë 19-vjeçare është vrarë më armë zjarri nga një djalë 31-vjeçar. Viktimë ka mbetur shtetasja Xhuljeta Çuni nga Mati, me banim në Tiranë.
Ky i fundit më pas ka qëlluar veten. Fillimisht u raportua se edhe djali, një 31-vjeçar humbi jetën. Por, më pas nga spitali u konfirmua se shtetasi Xhaferr Mata nga Kukësi dhe me banim në Tiranë, autor i ngjarjes është ende në jetë.
Raportohet se ai është në gjendje të rëndë. Ngjarja e rëndë ka ndodhur në zonën e “Don Boskos”, pranë kishës.
Ngjarja ka përhapur panik në zonë pasi ka ndodhur në trotuar, në një zonë mjaft të rrahur nga kalimtarët.
Dyshohet se kemi të bëjmë me një krim pasioni.
Policia ka mbërritur në vendngjarje dhe ka nisur hetimet për zbardhjen e ngjarjes.
Informacion paraprak:
Më datë 08.06.2018, rreth orës 08:10, në zonën e Don Boskos, ne rrugen “Eshref Frasheri”, shtetasi Xh.M., 31 vjeç dyshohet se ka qëlluar me armë zjarri pistolete shtetasen Xh.Ç., rreth 19 vjeçe, e cila ka ndëruar jetë në vendngjarje.
Autori më pas ka qëlluar dhe veten me armë zjarri ku aktualisht është transportuar ne spital ne gjendje te rende per jeten.
Grupi hetimor ndodhet në vendngjarje dhe po punon për zbardhjen e rrethanave dhe shkaqeve të ngjarjes./a.m.
