Ndërron jetë Camilo Guevara March, djali 60-vjeçar i liderit revolucionar me origjinë argjentinase, Ernesto “Che” Guevara.
Zyrtarët në Kubë thanë se ai vdiq nga një atak në zemër të shkaktuar nga mpiksja e gjakut në mushkëri.
Camilo Guevara i kushtoi një pjesë të madhe të karrierës së tij dokumentimit të jetës së babait të tij, i cili luftoi përkrah Fidel Kastros në revolucionin kuban.
Camilo është një nga katër fëmijët që Che Guevara kishte me gruan e tij të dytë, Aleida March.
Qendra, ku ruhen arkivat personale të Che Guevarës, promovon “jetën, punën dhe mendimin” e liderit revolucionar.
Presidenti kuban Miguel Díaz-Canel e nderoi atë në një postim në Tëitter, duke thënë se “me pikëllim të thellë, i themi lamtumirë Camilo-s, djalit të Che dhe promovuesit të ideve të tij”.
Camilo Guevara ishte i dyti nga katër fëmijët e lindur nga Che Guevara dhe “rebelja” e tij, Aleida March.
Ai ishte pesë vjeç kur babai i tij u qëllua për vdekje në Bolivi, ku kishte udhëtuar për të ngritur një grup gueril.
Ai studioi drejtësi, por kaloi pjesën më të madhe të jetës së tij duke u kujdesur për dokumentet dhe reliket e lëna pas nga babai i tij.
Ndryshe nga disa nga të afërmit e ngushtë të Fidel Castros që u bënë kritikë të zëshëm të pasojave të revolucionit kuban, si motra e tij Juanita Castro dhe vajza e tij Alina Fernández, Camilo Guevara mbeti besnik ndaj vëllezërve Kastro./m.j
