Zaho Lika është personi që mbeti viktimë e një aksidenti të rëndë, në aksin Kotë-Vlorë, pranë vendit të quajtur “Shkalla Mavrovë”.
Ai ishte pasagjer në makinën e cila drejtohej nga Çerçez Seferaj, që për fat të mirë është jashtë rrezikut për jetën.
Automjeti ka dalë nga rruga dhe përplasja ka qenë e fortë duke i shkaktuar vdekjen Zaho Likës.
Ky i fundit u transportua për ndihmë mjekësore, por humbi jetën në spital.
Policia ka shoqëruar në komisariat drejtuesin e mjetit për kryerjen e veprimeve të mëtejshme në lidhje me arrestimin e tij.
Grupi hetimor po punon për sqarimin e rrethanave të ngjarjes.
/a.r
