Ndërhyrja e Dritan Demiraj te marrja e provave për sekuestrimin e 12 prozhektorëve është vepër penale.
Ministri teknik i propozuar nga PD u filmua teksa pengonte punën e Prokurorisë në sekuestrimin e ndriçuesve që u përdorën në mitingun e PD dhe që dyshohen se shkaktuan helmimin e 140 protestuesve.
Kodi Penal parashikon që personat të cilët ndryjnë për të ndryshuar vendin e ngjarjes apo pengojnë në zbulimin e veprës penale, dënohen me gjobë deri në 3 vite burg. Gjithashtu, ai rrezikon të preket edhe nga ligji i dekriminalizimit, i cili mund t’i heqë atij përjetë të drejtën për të ushtruar funksione publike.
“Kryerja e veprës penale duke prishur, ndryshuar apo fshirë gjurmët e saj ose duke lëvizur, fshehur, asgjësuar, vjedhur, falsifikuar një send apo një dokument me qëllim për të vështirësuar dhe penguar zbulimin e veprës penale dhe të autorit të saj, dënohet me gjobë ose me burgim gjer në tre vjet”, shkruan Kodi Penal.
Në çdo rast, ministri Demiraj mund të mbrohet duke argumentuar se nuk ishte në dijeni të këtij ligji, por në bazë të Kodit Penal, kjo nuk është një argumentin i vlefshëm, pasi ligji ka fuqi edhe nëse një person nuk është i informuar për atë shkelje.
Gjithashtu edhe ligji nr.108/2014 i Policisë së Shtetit, neni 7 i tij, parashikon qartë që ministri nuk ndërhyn në pavarësinë operacionale të shërbimit të policisë dhe nuk përfshihet në drejtimin operacional të saj.
/Shqiptarja
