Francesco Totti thyen heshtjen dhe flet për krizën e pretenduar me Ilary Blasi. Ish-kapiteni i Romës, mbrëmë, para se të shkonte në darkë me familjen, ka dashur të flasë për situatën përmes rrjeteve të tij sociale:
“Këto orët e fundit kam lexuar shumë për veten dhe veçanërisht për familjen time. Nuk është hera e parë që dëgjoj këto lajme të rreme. Ju drejtohem të gjithëve juve, që shkruani këto gjëra: më shumë kujdes, sepse ka fëmijë të përfshirë dhe ata duhen respektuar. Dhe sinqerisht jam lodhur shumë duke i mohuar këto zëra”.
Orët e fundit u përhapën thashethemet për një krizë mes ish-kapitenit të Romës dhe prezantueses së njohur televizive italiane. Sipas mediave përtej Adriatikut, situata është acaruar skajshëm mes të dyve pas një sherri më 4 shkurt, gjatë udhëtimit në “Castel Gandolfo”.
Thashetheme të mohuara nga Totti, ashtu si dhe flirti i supozuar mes tij dhe 33-vjeçares Noemi Bocchi. “Fake news”, ka komentuar ish-numri 10, i cili vendosi të darkonte mbrëmë me familjen në një restorant të njohur në Romë. Një demonstrim publik për t’i mohuar njëherë e mirë lajmet mbi gjoja krizën në çift.
g.kosovari
