Një sasi prej 88 kilogramë kanbisi u sekuestrua nga Policia në një operacion të koduar “Fundjava” në Përmet, ku në pranga përfunduan katër persona.
Në rrugën nacionale Këlcyrë – Përmet, në vendin e quajtur “Kthesa e Frashërit”, në automjetin me targa PR 0759 A, me drejtues Zhulien Bezati, janë gjetur 10 pako të mbështjella me letër natriban, në brendësi të të cilave kishte lëndë Cannabis Sativa me peshë totale 88 kilogramë.
Automjeti shoqërohej nga një makinë tjetër që siguronte zonën, me targa AA 848 NC, në të cilin ndodheshin Jurgen Bezati 23 vjeç, Maldit Bezati 24 vjeç dhe Rei Çibuku 22 vjeç, të tre banues në fshatin Piskovë, Përmet.
Policia thotë se materialet procedurale në ngarkim të këtyre shtetasve i kaluan Prokurorisë së Përmetit për veprën penale “Prodhim dhe shitje e lëndëve narkotike, e kryer në bashkëpunim”. /b.d
