Plot 16 refugjatë sirianë janë kapur këtë të mërkurë nga patrullat e shërbimit të Policisë Kufitare në pikën e kalimit të Kapshticës, mes të cilëve 9 fëmijë dhe njëri prej tyre dymuajsh.
Ngjarja ka ndodhur rreth orës 13 të mesditës pranë fshatit Vërnik të Rrethit të Devollit, në zonën e quajtur në drejtim të piramidave. Mes të ndaluarve mësohet të jenë 4 meshkuj dhe 3 femra.
Pas marrjes në pyetje nga forcat e Policisë Kufitare është mësuar se, shtetasit sirianë kanë dashur të kalojnë tranzit në Shqipëri, me synimin për të vijuar udhëtimin drejt Serbisë e me destinacion përfundimtar Gjermaninë, shkruan TCH. Për veprime të mëtejshme me këta refugjatë të paligjshëm është njoftuar sektori i emigracionit dhe pritet kthimi mbrapsht i tyre. javanews/ a.k
