Partia Demokratike reagoi pas arrestimit të dy zyrtarëve të policisë të implikuar në trafikun e drogës.
Enkelejd Alibeajt deklaroi nga selia blu se u vërtetuan akuzat e opozitës.
“Ndalimi i dy drejtuesve të lartë të policisë në Vlorë dhe në Tepelenë, me urdhër të Prokurorisë, si të lidhur me kultivimin e trafikimin e drogës, është dëshmia më e fortë e kriminalizimit të shtetit, e vënies së shefave të policisë së Saimir Tahirit dhe Edi Ramës në krye të biznesit të hashashit, për përfshirjen e njerëzve të Tahirit në trafikun e drogës, për haraçin që ata marrin nga ky biznes kriminal, deri në 40 përqind për një rrënjë”, tha Alibeaj.
Alibeaj thot se kjo është vetëm maja e ajsbergut.
“Ne inkurajojmë prokurorinë të thellojë hetimet, pasi drejtues të lartë janë të përfshirë në këtë biznes kriminal, dhe zinxhiri të çon tek Tahiri dhe Edi Rama. Me 18 shkurt, kundër drogës, kundër krimit, kundër shefave të Tahirit dhe Ramës që punojnë me trafikantët, për t’i dhënë vendit, rend, siguri dhe punë të ndershme”, u shpreh ai./a.m.
