Është ndarë nga jeta Laura Antonelli, ikona seksi e kinemasë në moshën 73 vjeç. Artistja protagoniste e njohur në vendin tonë me ‘Përgjithmonë Xhulia’, është gjetur pa jetë në shtëpinë e saj. Artistja 73 vjeçare ka vdekur nga një infarkt, në shtëpinë e saj në Ladispoli, pranë Romës. Ajo që ka dhënë lajmin ka qenë një punonjëse në shtëpinë e Antonellit, e cila e ka gjetur të rrëzuar përtokë artisten. Aktorja arriti popullaritetit më të madh në vitet Shtatëdhjetë dhe Tetëdhjetë, duke interpretuar në role erotike dhe në filma me aktorë të njohur.
