Është ndarë nga jeta në moshën 66-vjeçare aktori Garry Shandling. Lajmi është konfirmuar nga media të ndryshme, ndërsa thuhet se shkak është bërë ataku kardiak që pësoi.
Kjo ndodhi në shtëpinë e tij, dhe ka qenë vetë i Garry ai që telefonoi menjëherë urgjencën. Më vonë u dërgua në spitalin e Santa Monika, në Los Angelos, atje ku dhe u nda nga jeta më 24 Mars. Ylli i ‘The Larry Sanders Show’ ka lindur në Chicago dhe është rritur në Arizona.
Në të 20-at e tij, Shandling u shpërngul në Los Angelos, ku filloi të punonte me reklamat. Më vonë ai ra në sy me aftësitë që kishte në të shkruar, derisa shiti skenarin e parë ‘Sandford And Son’, një film mjaft i famshëm.
Më pas Garry Shandling, vazhdoi të shkruante edhe më shumë skenarë për NBC, dhe episode për ‘Welcome Back Kotter’. 1986 ka qenë kulmi i tij , sepse komediani arriti të kishte serialin e tij ‘Its Garry Shandling Show’, i cili zgjati për katër sezone. Show ka qenë e nominuar katër here për cmim Emmy.
Përmendim gjithashtu se Garry Shandling, mori rolin e moderato rit të Grammy Awards nga 1990 deri më 1995, dhe në Emmy Awards nga 2000-2004. Sa i përket filmave ku është shfaqur mund të përmendim: Dr. Dolittle, Zoolander, Iron Man 2 and Captain America: The Winter Soldier.