Mjeshtri i shërbimit të jashtëm sekret rus, i shndërruar në kryeministër gjatë viteve ’90 të shekullit të kaluar, Jevgeni Primakov, vdiq sot në moshën 85-vjeçare, njoftuan burime nga Kremlini.
Drejtor i shërbimit të jashtëm sekret rus gjatë viteve 1991-96, Jevgeni Primakov u bë ministër i Jashtëm i vendit në vitin 1996 përpara se të bëhej kryeministër për pak muaj nga presidenti Boris Jelcin, nga shtatori 1998 deri në maj 1999.
”Primakov ishte burrë shteti, shekncëtar dhe politikan i madh. Ai la pas një përvojë të çmuar”, deklaroi presidenti rus, Vladimir Putin.
Sipas zëdhënësit presidencial rus, Dmitri Peskov, presidenti Putin i kushtonte rëndësi shumë të madhe opinionit të Primakovit, sidomos në kohë të vështira.
“Ai ishte patrioti i madh rus, një burrë shteti i cili dinte të merrte vendime të rëndësishme në momente kritike”, deklaroi ish-kryebashkiaku i famshëm i Moskës gjatë viteve 1992-2010, Juri Luzhkov.
Vlerësimi më i lartë për Primakovin lidhet me aktivitetin e tij për rritjen e rolit të Rusisë në botë në konkurencë me atë amerikane.
Primakov do të mbahet mend në historinë politike, pasi ndikoi në prishjen e marrëdhënieve mes Rusisë dhe SHBA-së, në mars të vitit 1999, duke urdhëruar pilotët që po e çonin në Uashington për të negociuar lidhur me ndihmën e FMN-së që të kthenin avionin pikërisht mbi oqeanin Atlantik, kur mësoi për goditjet ajrore të NATO-s mbi Jugosllavi.
Në vitin 2011, Primakov u largua nga të gjitha funksionet e tij duke dhënë shumë rrallë intervista. /ATA/
![Irani vazhdon sulmet në vendet e Gjirit, vritet një grua në Bahrejn, Kuvajti dhe Arabia ]rrëzojnë 11 dronë dhe 1 raketë balistike](https://javanews.al/wp-content/uploads/2026/03/Erbil-Irak-120x86.png)
