Ndërroi jetë në moshën 82-vjeçare akademiku dhe projektuesi i shumë veprave madhështore hidroenergjitike në Shqipëri, profesor Farudin Hoxha.
Akademik Farudin Hoxha njihet si projektuesi i një sërësh veprash të mëdha si hidrocentrali i Fierzës, Hidrocentrali i Banjës, i Bistricës, Bogovës, rezervuarit të Bovillës etj.
Akademiku me profesion inxhinier hidroteknik ka qenë edhe ish-ministri i Ndërtimit.
I lindur më 20 janar 1935 , vuante prej disa kohësh nga probleme shëndetësore.
Githashtu, akademiku Hoxha ka dhënë kontributin kryesor në ideimin e rregullimin të regjimit të ujerave të liqenit të Shkodrës, Drinit dhe lumit Buna.
Hoxha, i kreu studimet e larta për inxhinieri në Universitetin e Budapestit, në universitetin e Sofjes, ndërsa studimet pasuniversitare mbi mekanikën e tokës dhe ndërtimin e digave të mëdha i ka kryer në vitet 1982-1988.
Pas viteve 90, akademik Hoxha ka kryer funksionin e nënkryetarit dhe sekretarit shkencor të Akademisë së Shkencave.
Sektori elektroenergjetik humbi njeriun që me veprat e tij nuk do të harrohet asnjëherë.
Për vdekjen e Hoxhës ka reaguar edhe ministri i Energjisë, Damian Gjiknuri, i cili thotë se pavarësisht gjendjes së rënduar shëndetësore, ai nuk reshti për asnjë ditë së kontribuari me mendimet dhe këshillat e tij të vyera
Gjiknuri: Me hidhërim mësova lajmin e trishtuar për ndarjen nga jeta të Profesor Farudin Hoxhës. Lajm i rëndë, që prek familjarët e tij, kolegët, miqtë dhe dashamirësit e shumtë.
Profesor Farudini do të mbahet mend gjatë si projektuesi i disa prej veprave më madhështore të energjitikës në Shqipëri. Pavarësisht gjendjes së rënduar shëndetësore, ai nuk reshti për asnjë ditë së kontribuari me mendimet dhe këshillat e tij të vyera.
Familja humbi njeriun e dashur! Kolegët dhe miqtë humbën bashkëudhëtarin e shumë sfidave! Sektori elektroenergjitik humbi njeriun që me veprat e tij nuk d
a.ç
