Fansat e shumtë shqiptarë të Giusy Ferreri janë mbledhur në sheshin ‘’Nënë Tereza’’ dhe po presin të performojë këngëtarja e madhe italiane.
Këngëtarja e hiteve “Novembre’, ‘Bangkok’, ‘Ma il cielo è sempre più blu’ vjen në një mbrëmje të paharrueshme për publikun kryeqytetas në koncertin festiv Nata e Bardhë, tashmë traditë më 29 Nëntor..
Emri i vërtetë i saj është Giuseppa Ferreri dhe të gjithë e njohin si Giusi. Ka lindur në 18 prill të vitit 1979 në Palermo. Giusy Ferreri ka filluar të këndojë qysh në moshë të vogël duke ndjekur pasionin e saj, të kënduarin dhe ka marrë pjesë në festivale të ndryshme për fëmijë.
Origjina e saj është nga Sicilia edhe pse ngaherë ka jetuar në periferi të Milanos. Pasioni i saj për botën e muzikës e shtyu që në moshën 14-vjeçare të studiojë kanto dhe piano. 
Ka qënë pjestare e bandave të ndryshme muzikore me të cilat ka eksperimentuar lloje të ndryshme të muzikës.
Talenti i saj spikati në vitin 2008 gjatë talentshoë-t “X Factor” dhe më pas asgjë s’do ta ndalte suksesin e saj, duke u bërë një nga zërat më të dashur për publikun Italian por jo vetëm. Kryetari i Bashkisë së Tiranës, Erion Veliaj, i dorëzoi dje pasdite “Çelësin e Qytetit” këngëtares së njohur italiane.
Bashkia e Tiranës, ka organizuar një sërë aktivitetesh për mbrëmjën e ‘’Natës së Bardhë’’, por këngëtarja italiane është pjesa kulminante e kësaj mbrëmje.
Nisma për “Natën e Bardhë” vjen si një traditë që nga koha kur Kryeministri i vendit Edi Rama, ishte kryetar i bashkisë së Tiranës./shqiptarja.com/
