Detet janë të mbushura me tetë milionë tonelata mbeturina – të mjaftueshme sa për të mbushur me to nga pesë qese për çdo metër të bregdetit. Të shtyrë nga rrymat detare, këto kanë krijuar pesë “ishujt me mbeturina” që lundrojnë në detet më të mëdha në botë.
Për të treguar këtë fenomen negativ, NASA e ka bërë një vizualizim për të treguar se si janë mbushur detet në 35 vitet e fundit.
Agjencia hapësinore ka marrë të dhëna për të parë lëvizjen e këtyre mbeturinave. Në videon e postuar më poshtë, përmes pikave të bardha mund të shihet se si është rritur numri i këtyre sendeve të hedhurave në dete.
