Sot në mbrëmje mund të vendoset një pjesë e rëndësishme fatit të titullit kampion në Serinë A, me Juventusin kryesues që do të luajë në fushën e Napolit, ndjekësit më të afërt. Një ndeshje që nuk duhet humbur, ndaj e gjithë bota ka kthyer sytë nga sfida më e rëndësishme e kampionatit italian. Nga Kina, në Australi, nga Amerika e Veriut tek ajo Latine, sot pritet që shikues nga 200 vende të botës të shohin “live” këtë sfidë, që pritet të dhurojë emocione e spktakël, çka mund të rikthejë Serinë A në qendër të vëmendjes.
Në total, mbi 700 milionë shikues pritet ta shohin këtë sfidë përmes televizorit, por ky numër mund të shkojë në 1 miliard, pasi e drejta televizive ka kapur majat. Pra, e gjithë bota do të shohë dy ekipet më të mira italiane, një përballje ku Gonzalo Higuain do të rikthehet te skuadra ku u bë i famshëm. Pra, Napoli-Juventus nuk është vetëm një ndeshje për titullin e Serisë A, por edhe një vitrinë e shkëlqyer për futbollin italian, që po kërkon të ringrihet. Ndoshta sot e mbarë bota do të thotë se “italians do it better”.
ma.me
