Roma ka barazuar 1:1 me Genoan në stadiumin “Luigi Ferraris”, në anën tjetër Napoli ka marrë tri pikë të rëndësishme, duke mposhtur në udhëtim 1:0 Udinesen.
Roma ka marrë vetëm një pikë në xhiron e 14 në Serie A, duke barazuar 1:1 me Genoan në udhëtim.
Të parët në epërsi kaluan mysafirët me golin e Stephan El Shaarawy (59’), ndërsa barazoi gjithçka 1:1 Gianluca Lapadula (70′) nga pika e bardhë, shkaktuar nga Daniele De Rossi, që u ndëshkua direkt me të kuq (69′).
Pas këtij barazimi, Roma mbetet në pozitën e katërt me 31 pikë, shtatë më pak se Napoli, që në këtë xhiro e mposhti në udhëtim 1:0 Udinesen, duke marrë kështu renditjen në Serie A me 38 pikë të grumbulluara, dy më shumë se Interi.
Golin e tri pikëve për Napolin e shënoi Jorginho në minutën e 33’të./a.m.
