Ministrat e Energjisë të Bashkimit Europian u takuan të hënën në Bruksel për të diskutuar shkëputjen nga nafta dhe gazi rus.
Por ndryshe nga sa ishte parashikuar, ata nuk morën dot asnjë vendim për të vendosur një embargo të plotë ndaj naftës ruse dhe për t’ju përgjigjur Rusisë pas ndërprerjes së furnizimit me gaz të Polonisë dhe Bullgarisë.
Teksa Polonia mbajti një qëndrim të ashpër mbi ndërprerjen e menjëhershme të furnizimit me naftë dhe gaz, Hungaria kundërshtoi sanksionet që vendet kërkojnë t’i vendosin Moskës.
Edhe Gjermania e cila është treguar e kujdesshme, ka deklaruar se vendi i saj mundet ta përballojë shkëputjen nga nafta ruse.
Diplomatët dhe ekspertët e Komisionit Europian janë ende duke punuar për paketën e gjashtë të sanksioneve. Në vend të kësaj, ministrat diskutuan mënyrat teknike për të larguar ekonomitë e tyre nga furnizimet ruse me energji.
/a.r
