Rafael Nadal është kualifikuar në çerekfinalet e grand slam të US Open, pas fitores 3-1 ndaj kroatit Marin Cilic (6-3, 3-6, 6-1, 6-2). Një ndeshje e mirë e tenistit spanjoll, që edhe pse humbi një set, ishte superior në fushë, duke e dominuar lojën.
Kualifikohet edhe francezi Gael Monfils, që mundi 3-1 spanjollin Pablo Andujar (6-1, 6-2, 6-2), ndeshje pa shumë histori. Surprizë kualifikimi në çerekfinale i italianit Matteo Berrettini, që mundi 3-0 (6-1, 6-4, 7-6) rusin Andry Rublev.
Një biletë për në çerekfinale siguroi edhe tenisti argjentinas Diego Schwartzman, që mundi 3-1 me përmbysje gjermanin Alexander Zverev (3-6, 6-2, 6-4, 6-3). U mendua se Zverev do të korrte një fitore të lehtë, por niveli i lojës së tenistit gjerman ra ndjeshëm pas setit të parë.
/a.r
