Një prej mafiozëve më të njohur rus është vrarë, ndoshta nga ato që e priste më pak: tre vajzat e tij. Mikhail Khachaturyan është gjetur i masakruar me thikë në vilën e tij në Moskë, pranë një prej ashensorëve të rezidencës.
Ai kishte plagë të shumta në trup të shkaktuara nga thikat ndërkohë tre vajzat e tij janë nën akuzë për krimin e rëndë.
Ato kanë deklaruar se ndërmorën këtë veprim pas vitesh të tëra torturash seksuale nga babai i tyre.
“Mirror” shkruan se adoleshentet Kristina 19-vjeçe, Angelina 18-vjeçe dhe Maria 17-vjeçe rrezikojnë deri në 15 vite burg.
Tre motrat e kanë bërë së bashku vrasjen e 57-vjeçarit “pasi janë kërcënuar me thikë nga babai ditën e ngjarjes”-mësohet të kenë deklaruar ato.
“Ne e urrenim atë dhe donim të ndodhte vetëm një gjë, të zhdukej përfundimisht”, tha motra më e madhe Kristina./a.m.
