Presidenti rus Vladimir Putin e ka nisur fjalimin e tij për Ditën e Fitores në Sheshin e Kuq të Moskës duke u thënë luftëtarëve rusë se tani po luftojnë për sigurinë e Rusisë si dhe ka uruar veteranët për ditën e ‘fitores së madhe’.
Dita e Fitores feston fitoren e Bashkimit Sovjetik ndaj Gjermanisë naziste në Luftën e Dytë Botërore.
Putin vazhdon fjalimin e tij duke thënë se “operacioni ushtarak special” i Rusisë në Ukrainë – atë që Kremlini e quan pushtim – ishte një masë e nevojshme dhe “në kohë”.
Ai thotë se ishte “vendimi i duhur” i një vendi të pavarur, të fortë dhe sovran.
Presidenti rus Vladimir Putin thotë se gjatë vitit të kaluar ka pasur tensione me vendet e tjera evropiane dhe NATO-n.
Ai thotë se Rusia “i kërkoi Evropës të gjente një kompromis të drejtë, por ata nuk donin të na dëgjonin” dhe thotë se po përgatisnin një operacion ndëshkues në Donbas, në Ukrainën lindore, ku ai ka thënë se operacionet e Rusisë tani janë të fokusuara.
“Në Kiev ata thoshin se mund të merrnin armë bërthamore dhe NATO filloi të eksploronte tokat afër nesh dhe kjo u bë një kërcënim i dukshëm për vendin tonë dhe për kufijtë tanë. Gjithçka na tregonte se ekziston nevoja për të.
Vladimir Putin thotë se Perëndimi nuk donte të dëgjonte Rusinë dhe ata kishin plane të tjera.
Perëndimi, tha ai, po përgatitej për “pushtim të tokës sonë”.
Udhëheqësi rus tani ka përfunduar fjalimin e tij në paradën e Ditës së Fitores në Moskë.
Trupat në Sheshin e Kuq brohoritën në fund të fjalimit të tij dhe himni kombëtar i Rusisë u luajt ndërsa gjuanin topat.
