Dy persona janë arrestuar në Tiranë pasi në bashkëpunim me një tjetër kanë marrë peng dhe kanë kërcënuar për t’i marrë një shumë prej 250 mijë eurosh një 23 vjeçari maqedonas.
Policia bën me dije se forca e Posaçme “Shqiponja” në bashkëpunim me Komisariatin e Policisë Nr.1, në sajë të informacioneve të marra në rrugë operative, zhvilluan operacionin policor të koduar “Lake”.
“Në këtë operacion u arrestuan në flagrancë për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”, shtetasit A. Xh., 41 vjeç, dhe S. M., 42 vjeç, banues në Tiranë.
Gjithashtu u procedua në gjendje të lirë për veprën penale “Moskallëzim krimi”, shtetasi: S. E., 50 vjeç, lindur dhe banues në Strugë/Maqedoni“, bën me dije policia.
Të tre në bashkëpunim me njëri-tjetrin kanë marrë peng 23-vjeçarin maqedonas me iniciale D. V., dhe pasi i kanë vënën armën në kokë i kanë kërkuar shumën e 250 000 eurove.
Materialet procedurale iu referuan për veprime të mëtejshme Prokurorisë së Rrethit Gjyqësor Tiranë.
g.kosovari
