Është mbyllur në barazim 1-1 sfida më e rëndësishme e javës së 10 në kampionatin shqiptar mes Flamurtarit dhe Skënderbeut. Në këtë ndeshje ku nuk mungoi spektakli, grinta, dëshira për fitore dhe ‘lufta’ mes dy tifozërive, skuadrat ndanë nga një pikë në fund të takimit.
Ndeshja u zhbllokua në minutën e 38-të me autor qendërmbrojtësin Ditmar Bicaj që shtyu në portë një top afër vijës fatale. Ky gol bëri që tifozët vendas të cilët si rrallherë kishin mbushur stadiumin të shpërthenin në festë. Festë e cila do të zgjaste deri pak para fundit kur Gjergji Muzaka në të 88-ën do të barazonte dhe njëkohësisht do të stamponte shifrat përfundimtare të takimitshkruan BW.
Pas 10 javësh në Superligë, Skënderbeu renditet në vendin e parë me 26-t pikë, 7 më shumë se Kukësi i vendit të dytë. Ndërsa Flamurtari me pikën e fituar ngjitet në kuotën e 17-t pikëve dhe mban vendin e 3-t.
