Por ky mutacion i ri i koronavirusit i zbuluar në Britani duket se ka qenë i pranishëm në Gjermani që nga Nëntori pasi mjekët e zbuluan atë në mënyrë retrospektive në mostrat e një pacienti të vjetër i cili më vonë vdiq, njoftoi e përditshme Die Welt të Hënën.
Specialistët në Shkollën Mjekësore të Hannoverit (MHH) ishin në gjendje të përcaktojnë variantin e virusit B1.1.7 në mostrat e pacientit që kishte probleme mjekësore, tha gazeta, duke cituar ministrinë rajonale të shëndetit në shtetin e Saksonisë së ulët. Spitali Berlin Charite konfirmoi gjetjet fillestare, shtoi raporti.
Sipas të dhënave të deritanishme mutacioni i ri, i cili është përhapur me shpejtësi në Britani, mendohet të jetë më infektues se variantet e tjera që qarkullojnë aktualisht por analizat e hershme sugjerojnë që simptomat nga varianti nuk janë më të rënda.
Shteti gjerman i Baden-Wuerttemberg tha javën e kaluar se autoritetet lokale kishin zbuluar variantin e ri edhe te një person i infektuar i cili fluturoi në Frankfurt nga Britania në 20 Dhjetor. Udhëtari donte të vizitonte të afërmit dhe rezultoi pozitiv pas mbërritjes. Personi u mor nga aeroporti me makinë nga anëtarët e familjes dhe që nga ajo kohë është izoluar në vendbanimin e tij.
g.kosovari
