Kryeministri i Kosovës Isa Mustafa eshte i bindur dhe thotë se mandati i EULEXI’it në vend do të vazhdoj edhe pas qershorit të këtij viti.
Ai për televizionin publik kosovartha se për kompetencat e misionit europian është duke u debatuar por se është e sigurt se EULEX do të vazhdojë punën në Kosovë pasi institucionet nuk kanë arritur të argumentojnë se ky mision nuk i duhet vendit.
“Kur kemi zgjat mandatin e EULEX’it para dy vjetëve kemi qenë të bindur se EULEX-i duhet të shkoj tani.
Tani për tani mund të them se disponimi i Bashkimi Europian dhe SHBA’së është që EULEX duhet të qëndroj edhe më tutje në Kosovë.
Tani është duke u zhvilluar debat ose dialog me Bashkimin Europian ku janë të kyçura edhe SHBA’të në formën që ata e shohin të arsyeshme që të kyçen në mënyrë që të flitet për mandatin e ardhshëm të EULEX’it se cila do të jetë përgjegjësia e EULEX’it në të ardhmen.
Do të thotë një pjesë është e lidhur me Gjykatën Kushtetuese, një pjesë është e lidhur me Gjykatën Speciale. (b.an)
