Një tregtar, i cili ishte një besimtar i devotshëm mysliman, u vra egërsisht në rrugë menjëherë pas postimit të një mesazhi në Facebook ku uronte besimtarët e krishterë për Pashkët.
Ai shkruante: “Kombit tim të dashur të krishterë”. Asad Shah, 40 vjeç vdiq të enjten, pas plagëve të marrë. Dyshohet se ai është goditur në kokë. Pavarësisht përpjekjeve të mjekëve për ta shpëtuar, gjithçka ishte e kotë.
Sipas “The independent”, policia e Skocisë bëri me dije se është arrestuar një person deri më tani, pasi dyshohet se ka lidhje me vrasjen e 40-vjeçarit. Autoritetet deklaruan se ngjarja po trajtohet si paragjykim fetar.
Një dëshmitar okular tha se dy burrat kishin sulmuar tregtarin. “Ai kishte një goditje në kokë dhe toka ishte e mbuluar nga gjaku”, tha ai. Shqip
