Te Bayern mungon përherë dikush, ose… diçka. Në Ingolstad, ku skuadra bavareze fitoi titullin e katërt radhazi, mungoi birra! Duke pasur parasysh zakonet e gjermanëve, më tepër se festë dukej ndëshkim, teksa lojtarët e bënë gëzuar me ujë.
Ata që morën një vendim të tillë ishin sponsorët.
Ingolstad sponsorizohet nga Herrnbräu, një birrë që konkurron Paulaner, e cila financon bavarezët e që derdhet lumë sa herë që Bayern fiton një trofe.
Megjithatë, lojtarët nuk e bënë dramë dhe premtuan se do ta vinin “nderin” në vend në mbrëmje, pas kthimit në Munih.
Vetëm një merak u ka mbetur: Çfarë do të ndodhte sikur në Ingolstad trajner i tyre të kishte qenë ende Louis van Gaal? Më 2010, holandezi u deh aq shumë gjatë festimeve, saqë në ballkonin e bashkisë u dërgoi “puthje speciale” të gjitha femrave të pranishme.
d.i.
