Besnik Muçi deklaroi mesditën e sotme se nuk e njeh vendimin e Kolegjit të Posaçëm të Apelimit për shkarkimin nga detyra. Lidhur me këto deklarata ka reaguar kreu i grupit të PS-së, Taulant Balla, i cili tha se vendimet e drejtësisë së re duhet të zbatohen.
“Nuk komentoj vendimet e drejtësisë, ato janë të zbatueshme. Të gjithë e dinë se qasja e legjislativit ndaj vendimeve fundore të vettingut. Kjo është qesharake. Vendimet nuk diskutohen vetëm se zbatohen“, tha ai.
I pyetur nëse shkarkimi i Muçit e fut në një tjetër ngërç krijimin e Gjykatës Kushtetuese ai tha se “Ajo që kemi thënë është që institucionet e reja të drejtësisë, Kushtetuesja apo e Larta duhet të kenë në përbërje personalitete të drejtësisë që nuk kanë asnjë mangësi në pastërtinë e figurës dhe aftësinë profesionale. Më mirë një gjykatë Kushtetuese me katër anëtarë sesa me shejtanin brenda”. /e.s/
