Nëntëdhjetë e pesë vjeçari Hubert Zafke muajin e ardhshëm do të dalë para Gjykatës gjermane. Ai akuzohet për 3.681 pika të aktakuzës për pjesëmarrje në vrasje në kampin famëkeq të përqendrimit Auschwitz. Zafke ka punuar si punëtor mjekësor në “kampin e ashtuquajtur të vdekjes” nga 15 gushti i vitit 1944 deri në shtator të vitit 1945. Në këtë periudhë, sipas raportit që e transmeton AA, në kampin e përqendrimit kanë ardhur 14 trena me të burgosur në mesin e të cilëve ka qenë edhe adoleshentja Anna Frank. Nga Gjykata gjermane bëhet e ditur se Zafke më 29 shkurt do të japë dëshmi para Gjykatës e cila konstatoi se ai është i aftë për proces gjyqësor. Ai akuzohet për pjesëmarrje në vrasjen mizore të 3.681 personave. Përveç kësaj, nga Gjykata theksuan se Zafke ka qenë i vetëdijshëm për “qëllimet” e kampit. Rreth një milion e 300 mijë hebrenj evropianë humbën jetën në Auschwitz, kampin më të madh të përqendrimit të Gjermanisë naziste.
