Ajo rrëfen se jetoi tek djali i saj pasi i kishte ndërruar jetë i shoqi 6 muaj më parë. Por për shkak të problemit të djalit me alkoolin, ajo u detyrua të largohej dhe të rikthehej në banesë.

Pasditen e sotme, ajo shprehet se erdhi djali në shtëpi i dehur dhe i vuri flakën banesës. Gjithashtu ajo deklaron se më parë, i biri e kishte dhunuar.

“Mua nuk më ka mbushur burri 6 muaj akoma që ka vdekur. Mu var këtu. Nga frika që burri u var, shkova tek djali, i madhi, qëndrova nja dy muaj por ai pinte dhe nuk mund ta duroja dot më. I thash do iki, piu dhe më tha që ik në shtëpinë tënde. Erdha në shtëpi, mora rrobat. Ai para ca ditësh erdhi më vrau. Djali pi. Atë ditë që më rrahu nuk kishte pirë. Sot më mori çupa në telefon, e kishte parë mbesa. Pashë Klodin kishte pirë dhe po ikën lart. Më merr mbesa e burrit dhe më thotë që të iki nga shtëpia pasi ka pirë. Unë kisha divane, tavolinë xhami dhe një frigorifer, dritarja, dera çarçafe dhe batanije. Korridori është djegur. Mua do më vijë i gjithë shiu brenda. Unë jam vetëm” – tha e zonja e shtëpisë.

Me sytë e mbushur me lot, zonja e shtëpisë rrëfen për vështirësitë e jetesës së saj.

“Djemtë janë në shtëpinë e tyre. Vajza ështe e martuar tek burri. Pa drita kam ndenjur. Vajta paguajta dritat. 69 mijë lekë pension marr. Unë nuk ha dot kafshatën e bukës dhe jo më fetën e bukës. Por nuk mund të rrija dot pa drita, sajova lekët dhe shkova i pagova. Kisha muajin mars dhe prill. Jam dhe me ilaçe” – u shpreh ajo.