Rreth 48 orëa pas ngjarjes tragjike, grupet e shpëtimit në Itali kanë gjetur në rrënojat e hotelit të goditur nga orteku 6 persona që janë ende gjallë.
Siç raportojnë mediat italiane, ekipet e shpëtimit tashmë janë duke punuar për të nxjerrë të mbijetuarit nga bora.
“Ata janë gjallë dhe jemi duke komunikuar me ta”, ka thënë zëdhënësi i zjarrfikësve, Luca Cari.
Orteku, i cili u shkaktua nga një seri tërmetesh, goditi bazën e maleve Gran Sasso në afërsi të hotelit Rigopiano di Farindola.
Kanë qenë rreth 20 klientë dhe shtatë anëtarë të stafit në hotel në kohën e katastrofës. /a.m.
