Trajneri i Manchester Unitedit, Jose Mourinho pas barazimit ndaj Anderlechtit ka thënë se ekipi i tij nuk shfrytëzoi rastet e krijuara, ndërsa u ndëshkua nga një gabim.
Anderlechti i mohoi Unitedit fitoren në çerekfinalen e parë të Ligës së Evropës duke barazuar shifrat në fund të takimit, 1-1, për të lënë gjithçka të hapur për ndeshjen e kthimit në “Old Trafford”, transmeton Koha.net.
“Duhet t’i japim fund ndeshjes, patëm rastet, kontrollin, por nuk shënuam golat, rrezikuam shumë.
Patëm shumë hapësirë për të përfunduar ndeshjen, shanse të mira. Ishte një ekip shumë mirë i organizuar në mbrojtje, por një gabim dhe u ndëshkuam”, ka thënë Mourinho për BT Sport. (b.an)
