Menaxheri i Manchester Unitedit, Jose Mourinho është shprehur i bindur se ekipi i tij deri në fund të vitit do të jetë në top-katërshe të Premier Ligës.
Unitedi ka humbur katër nga 12 ndeshjet e ligës angleze dhe pozicionohet në vendin e tetë me shtatë pikë larg Tottenhamit që mban pozitën e katërt.
Mourinho ka thënë se është distancë e madhe, por është i bindur se ekipi i tij deri në fund të vitit 2018 do të jetë në top-katërshe. “Është distancë e madhe, por e di se deri në fund të dhjetorit kemi tetë ndeshje në Premier Ligë.
Nëse nuk jam gabim janë tetë ndeshje”, ka thënë Mourinho në konferencën për media. “Po flasim për 24 pikë për t’i fituar dhe për katër ekipet që janë në top-katërshe. Besoj se do të jemi atje”, ka thënë veç të tjerash Mourinho, përgatiti Koha. (b.an)
