Trajneri i Manchester Unitedit, Jose Mourinho mbrëmë ishte ne Kroaci për të shikuar përballjen e kombëtares kroate ndaj Ukrainës.
Me këtë rast shumë media britanike raportuan se ai kishte shkuar për të shikuar yllin e Interit, Ivan Perisiq, transmeton Koha.net.
Portugezi e ka mohuar një gjë të tillë, ndërsa insiston se kishte shkuar në Kroaci për të shijuar kohën e nxehtë, gjë që i mungon në Manchester.
“Nuk kam ndonjë kauzë të fshehtë, vetëm erdha që të kënaqem në kohën time të lirë dhe të vizitojë disa miq si Predrag Mijatoviq dhe Davor Suker. E di se të gjithë besojnë se kam ardhur të shikojë disa lojtarë, por në futboll sot nuk duhet të udhëtoni për të parë lojtarët, i njoh shumë mirë që të gjithë”, është shprehur Mourinho për HNTV.
Ai më tutje ka shtuar se, “kam ardhur si një person që dëshiron të relaksohet dhe të kënaqet me kohën e mirë, kundrejt motit me shi që mbretëron në Manchester”.
Më 1 prill Unitedi do të rikthehet në fushë kur do të përballet me West Bromin në kuadër të Premier Ligës. (b.an)
