Ish trajneri i Chelseat e Real Madridit, José Mourinho, ndihet i nderuar pas emërimit si trajner i Manchester Unitedit.
“Është nder për mua që të jem trajner i Manchester United. Është klub që admirohet në gjithë botën. Gjithmonë kam ndier një lidhje me ‘Old Trafford’. Kam kujtime të mira gjatë karrierës sime dhe gjithmonë kam kaluar mirë këtu me tifozët e këtij klubi”, ka thënë Mourinho.
“Jam i lumtur që do të jem trajner i tyre për disa vite me radhë dhe shpresoj të kemi mbështetjen e tifozëve”, shtoi portugezi. /a.m.
