Jose Mourinho do të fitojë pothuaj 2 milionë euro për 4 ditë punë gjatë verës së ardhshme. Sipas Dailymail, televizioni rus ‘RT’ ka vendosur që ta paguajë si komentator në Finalet e Botërorit me 475 mijë euro në ditë.
“RT” ka fituar të drejtën e transmetimit të Finaleve të Kupës së Botës 2018.
Trajneri i Manchester United që ishte kërkuar më parë edhe nga televizionet britanike BBC dhe ITV do të qëndrojë vetëm 4 ditë në Rusi dhe do të përfitojë 1.9 milionë euro. 4 ditët në fjalë do të jenë pikërisht 4 ditët e para të finaleve të botërorit, që starton më 14 qershor.
Trajneri portugez do të jetë në dispozicion të televizionit rus edhe për ndeshjen finale, por nëpërmjet një lidhjeje satelitore.
