Motra e Laura Vorpsit: Rama ka bërë gjëra të mrekullueshme
Piktorja dhe shkrimtarja Ornela Vorpsi (motra e drejtueses se departamentit të Integrimit europian ne PD, Laura Vorpsi) ka folur më nota të larta për punën e kryeministrit Rama, duke e cilësuar atë si mrekulli.
Në një intervistë për “Koha Ditore”, ajo ka shprehur edhe vlerësimin e saj për Edi Ramën di njri duke e cilësuar atë me kulturën e duhur si politikan dhe se ai ka dëshirën për ta ngritur Shqipërinë lart.
“Me sa pashë çfarë ka ndërtuar Edi në këtë vend, binomi art-politikë funksionon. Punët konkrete që ka bërë me rrugët jashtë Tiranës, në kryeministri…
I pashë fotot, kryeministria më parë kishte qenë si një stallë dhe ai tani kishte bërë një kryeministri ku mund të pritet çdo shef shteti dhe të jesh krenar me nivelin evropian. Kishte bërë një mrekulli. Këto janë dhurata për këtë komb. Edi ka ambicie, ka nevoja që Shqipërinë ta ngre lartë. Ai ka dëshirë…
E vlerësoj si njeri, duke e ditur dëshirën e tij të madhe që ka që Shqipëria të ecë. Ta çojë më lart. Pra, dallon nga politikanët e tjerë që s`kishin kulturën e duhur. Nuk ka politikë pa një zhvillim kulturor, pa një edukatë. Kultura dhe arti janë me rëndësi për një komb. Nuk është vetëm politika. Ndërtimi i rrugëve është aspekt ekonomik”, tha ajo.
