Motra e Dan Hutrës i akuzuar për vrasjen e 3 grave 4 ditë më parë në Tiranë tha në një intervistë për në Euronews Albania se i vëllai i kishte rrëfyer gjatë kohës që ishte në burg se kishin tentuar ta helmonin.
Ajo tha se nuk e dinte nëse kjo ngjarje kishte lidhje me vrasjen e Etleva Kurtit, motra e Vladimir Kurtit në të njëjtën ditë kur kreu masakrën në shtëpinë e ish-gruas, por i vëllai i kishte thënë se personi që kishte tentuar ta helmonte ishte i dënuar me burg përjetë.
Ka qenë në një dhomë dhe më tha se e ka goditur. Më ka thënë që është ai me burgim të përjetshëm dhe helmin ma ka futur të më vrasë në burg.
Me çfarë më merr mendja ky është, por nuk më ka thënë që do hakmerrej”, tha motra e Hutrës.
Kjo e fundit shtoi se i vëllai i kishte rrëfyer se donte të vriste njeriun që i kishte dhënë armën personit që kishte vrarë babanë e tyre. Ajo tha se edhe më parë ai ishte betuar se donte ta vriste këtë njëri.
“Kjo është se personi që ka vrarë babën, ka marrë pushkën tek ky që donte të vriste Dani. Dani ka dashur të hakmerret. Rrahmen Seli është ky, ky që i ka dhënë pushkën për të futur dhe për të vrarë babën.
Ka qenë i fiksuar për të marrë hakun e babës. Këtë që ka vrarë babanë e kemi njeri të afërt dhe Dani është betuar që do merrte hakun e Rrahman Selës”, tregoi ajo.
/s.f
