Bashkia e Tiranës ka marrë një sërë masash për përballimin e situatës së krijuar nga moti i ftohtë që ka prekur vendin. Bashkia ka marrë masa për të mbajtur hapur të gjtiha qendrat sociale ndërsa janë përgatitur disa ambjente për strehim gjatë ditëve të ftohta për personat që janë në kushte rruge.
Kkryetari i bashkisë Erjon Veliaj tha se bashkia do të jetë pranë qytetarëve ndërsa ftoi çdokënd të telefonojë numrin e gjelbër të bashkisë në rast nevoje.
“Të sigurohemi që shërbimet e bashkisë të jenë në çdo zonë ku është e nevojshme. Vëmendje të veçantë do të kemi ndaj shtresave më në nevojë dhe çdo familje që do ketë nevojë. Do kemi vëmendje të veçantë edhe per persona që kanë ardhur nga rrethet e tjera dhe janë në situatë rruge, por që nuk i kemi në databazat tona”, tha Veliaj.
Veliaj ftoi qytetarët të telefonojnë në rast nevoje në numrin e gjelbër të bashkisë:
08000888
Ose numrin e shërbimit të zjarrfikëses 112./a.m.
